قصص +19

  الصدمة ........ الجزء الأول ..... عمري ما كنت اؤمن بحاجة اسمها جن او عفاريت لما كنت صغيرة كنت بسمع ديما علي حكايات فيها جن وفيها عفاريت وكنت بخاف جدا وانا بسمع اي قصة فيها رعب بس كانت مشاعر الخوف دي بتتلاشي بمجرد ما نهار تاني يوم يطلع واقول بيني وبين نفسي ايه الهبل اللي كنت فيه امبارح ده مرت الايام والسنين وكبرت وادركت ان مفيش حاجة في الدنيا اسمها عفاريت او جن وكنت لما بسمع اي حد يحكي قصة او حكاية حتي لو كان بيقول انه عاشها او شافها مكنتش بصدقة لغاية ما اتخطبت ل احمد احمد كان شاب رومانسي مهذب جدا وكان وقت ما اتقدملي كان مخلص كلية تجارة وانا كنت في السنة قبل الأخيرة من معهد التجارة فاكرة كأنه امبارح لما احمد شافني في فرح خطوبة واحدة صاحبتي وفاكرة كويس جدا نظراتة اللي يومها منزلتش من عليا والصراحة انا كمان حسيت نفسي اتخطفت له . شياكتة وملامحة الجميلة ونظرات عنيه اللي كانت بتلمع كل دي حاجات معرفش ليه اتشديت ليها.. ورغم انه كان مؤدب جدا الا انه جه وعزم عليا بطبق جاتوه ولقيتة بيقولي انه صاحب العريس وملاحظ وجودي بجوار العروسة وسألني ان كنت قريبتها رديت بخجل اني صاحبتها واتكسفت منة ومشي...