"الست هالة"
"الست هالة" الشمس طلعت ونورها ملى الأوضة وهالة زي ما هى ممددة في سريرها وما نامتش دقيقة واحدة طول الليل رجعت من الفرح دموعها مغرقة خدودها وفضلت بنفس اللبس يادوب طلعت على السرير ومددت وهى حاسة بخنقة كابسة على قلبها نهى بنتها اتجوزت وطلعت من الفرح على المطار مع عريسها وخلاص كله بح خالد الكبير مهاجر كندا من اربع سنين وأدي نهى حصلته والغربة بلعتها من يوم فرحها وما فضلش غيرك يا هالة بطولك بين حيطان الشقة لأ مش بس حيطان الشقة ده أنتي بقيتي بطولك بين حيطان البيت كله لا عرفت تزعل من ولادها ولا قدرت تمنعهم يشوفوا مستقبلهم بيت قديم عتيق من أربع أدوار بأربع شقق كل دور شقة شقتها أو شقة المرحوم جمال جوزها في التاني وباقي الشقق بأبواب مقفولة بأقفال صدت من كتر القفل والنسيان شمالهم بيت قديم مقفول كله من بابه ويمينهم عمارة اتناشر دور بس مدخلها من الشارع التاني وقدامهم مصنع النسيج القديم المقفول يجيله اكتر من 15 سنة ومفيش حد غير يادوب خفير بالليل ده إن جه من أساسه بس من ليلة امبارح ماعدش في البيت حد غير هالة وبس زي اخوات جمال ما سابوا ورثهم وبيت أبوهم وكل واحد راح عاش في مكان تاني احسن عيال ...