الانتقام السلسلة الاولى
الانتقام الحكاية بتبدأ بنار نار كبيره جدا وصوت الرصاص عالي أوي عائلة كبيره اسمها عائلة الجيوشي حوالي 1000 راجل كلهم شايلين السلاح وكلهم بيضربوا نار بس ايه اللي ممكن يخلي عائلة بالكامل ترفع السلاح كلها؟ ايه اللي يخلي عائلة كبيره زي كده بالعدد ده كله يضرب نار؟ احنا بنتكلم في الف راجل ده جيش.. وفعلا قدامهم اكثر من 4000 راجل.. 4000 راجل بيهاجموا العائلة دي، 4000 راجل من 3 عائلات بيهاجموا العائلة دي، ثلاث عائلات اتفقوا يبيدوا العيلة دي. النار ماسكه في البلد كلها بيوت والعه واكثر من 2000 فدان زراعه والع، مفيش حد حي مفيش غير الحريم في البيوت حتي الحريم في البيوت البيوت والعه بيها.. المجزره بدات قبل الفجر من حوالي الساعه 3:00 عربيات كثير متحمله جرينوف ودخلت على البلد طوقتها وقبل ما يبدا الضرب رجاله كتير نزلت الارض رمت بنزين فيها و ولعت فيها، اول ما النار ولعت ضرب النار بدأ. اهل البلد لما بدأ ضرب النار رفعوا السلاح وخرجوا من بيوتهم بس الـ جرينوف ما سابش حد.. وسط الضرب و وسط النار نروح عند قصر كبير في وسط القريه قصر جميل جدا او كان جميل جدا بس النار مش سايبه له ملامح.. اغلب حريم عائلة الجي...